યલોસ્ટોન

સાંજ પડ્યે

સુરજ શિખર પાછળ 

સંતાવા માંડે અને

અડોઅડ ઉભેલા

પાઈનના પડછાયા

લાંબા થતા જાય

એની સાથે વાતાવરણ તો

ઠંડુ પડે પણ 

પૃથ્વીની હૈયાવરાળનું શું? 

***

ઉત્ક્રાંતિના ઉચ્ચતમ  તબક્કે

પહોંચેલો જીવ જયારે 

એનો દાટ જ વાળવા બેઠો હોય 

ત્યારે પૃથ્વીથી ઉના ઉના

નિસાસા નખાઇ જાય 

અને એ તમાશો જોવા 
લોક હોંશે હોંશે ટોળે વળે ત્યારે

એને એમ નહિ થતું હોય કે 

એ એના મનનો ઉભરો

આ નઠારાઓ સામે

ઠાલી જ ઠાલવી રહી છે!