મરવાની કુણી ખટાશ
ગરમાળાની ધમરક પીળાશ
ઉનાળુ રાતની અગાશીય ઠંડક
કેવી હતી?
કેવી હતી?
આછી-પાતળી પણ
યાદ નથી આવતી
હવે તો.
વિશેષણો કવિતાઓમાં
વાંચ્યા હતા એટલે મુક્યા છે.
એ ખટાશ, પીળાશ કે ઠંડક
સાચ્ચે જ યાદ નથી આવતી.
ધારું છું,
આ સ્ટ્રોબેરીથી ખાટી,
આ ડેફોડીલથી પીળી,
આ સેન્ટ્રલાઇઝ્ડ એસીથી ઠંડી,
તો નહોતી જ.
પગ નીચેથી જનમ-ભોમકા
સરી જાય
માથા ઉપરથી પતંગ-આકાશ
હટી જાય
આંખ ખુલે એ પહેલા આતમ સાત દરિયા
વટી જાય
ત્યારે મારે બીજું ધારવુંય શું?
***
ને સાંભળ્યું છે ત્યાં સુધી
હવે તો દેશમાંય
મરવો બાજુના ક્રેટમાં પડેલ સ્ટ્રોબેરીને
કોઈ ન જુએ એમ ચાખી લે છે.
હવે તો દેશમાંય
મરવો બાજુના ક્રેટમાં પડેલ સ્ટ્રોબેરીને
કોઈ ન જુએ એમ ચાખી લે છે.
ગરમાળો પગ તળે ઉગેલ ડેફોડીલને
ત્રાંસી નજરે નીરખી લે છે.
ને અગાશી ઉપર સ્પ્લીટ એસીનું અડધિયું
ત્રાંસી નજરે નીરખી લે છે.
ને અગાશી ઉપર સ્પ્લીટ એસીનું અડધિયું
રાત આખી હાંફતું હોય છે!
શબ્દાર્થ: મરવો = નાની કાચી કેરી
નોંધ: Nostalgia પર ઘણી કવિતાઓ લખાઈ છે અને લખાતી જ રહેવાની પણ ઘણેભાગે એ કાવ્યો બે પ્રકારના વિદિત ઝુરાપામાં થી કોઈ એક ને જ અંગે હોય છે. Nostalgia ની બે અર્થચ્છાયા છે: એક તો ઘરની ઝંખના અને બીજી ભૂતકાળના કોઈ સમય/સમયોની ઝંખના (ગુજરાતી લેક્સિકોન). અહી બંને પ્રકારના ઝુરાપા સંગાથે પ્રયોજવાનો પ્રયત્ન છે.
નોંધ: Nostalgia પર ઘણી કવિતાઓ લખાઈ છે અને લખાતી જ રહેવાની પણ ઘણેભાગે એ કાવ્યો બે પ્રકારના વિદિત ઝુરાપામાં થી કોઈ એક ને જ અંગે હોય છે. Nostalgia ની બે અર્થચ્છાયા છે: એક તો ઘરની ઝંખના અને બીજી ભૂતકાળના કોઈ સમય/સમયોની ઝંખના (ગુજરાતી લેક્સિકોન). અહી બંને પ્રકારના ઝુરાપા સંગાથે પ્રયોજવાનો પ્રયત્ન છે.
Lovely poem Amit. You have very nicely and poetically captured the dilemma of an immigrant. I think KavyaShala is doing vey well.
ReplyDeleteThank you Panchambhai. Your encouraging words in these early attempts means a lot to me.
Deleteઆપણે તો સાચે જ ક્યાંય ના રહ્યા ને?
ReplyDeleteઆજે ત્યાંય ન રહી શક્યા અને હજુ અહીં ના ય ના થઈ શક્યા...
ભીની માટીની સુગંધ હજુ ય તો ભુલાતી નથી
અને એટલે જ તો આ અવનવા પરર્ફ્યુમની સુવાસ શ્વાસમાં માતી નથી.
...કે પછી બેઉના થયા?!? :)
Deleteભીની માટી અને પર્ફ્યુમ - સરસ સરખામણી ને ત્રિશંકુ દશાનું સચોટ બયાન!