બેઘર IV

વર્લ્ડબેંકની ઓફીસ

સામેના બાંકડે બેઠા બેઠા

મારી નજર

બેંકના આલીશાન મકાન પરથી

બેનર ઉતારી રહેલા

બે કામદારો પર

ચોંટી હતી

તે વગર કારણે
તો નહિ જ!

જો આ લોકો એ બેનરનો

ગોટો વાળીને
મારા અક્ષયપાત્ર જેવી કચરાપેટીમાં ફેંકે

તો કામ થઇ જાય.

આટલી સારી કક્શાનું
પ્લાસ્ટિક કેટલું કામ આવે - 

વરસાદ પાણીમાં
કાર્ટમાં ખુલ્લો રહેતો
મારો સામાન
ને ક્યારેક
મારું અંગ ઢાંકવા!

***

બેનર પર

મોટા અક્શરે 

END POVERTY

લખ્યું છે પણ
એ તો મને
શું નડવાનું?
સિવાય કે એનો
કલર જાય!