સાબરમતીના ઉપરવાસમાં
ક્યાંક જઈ એણે
બ્લેક લેબલ વ્હીસ્કીની
બાટલી ખોલી.
ગુજરાતમાં તો મનાઈ છે ને!
ગુજરાતમાં તો મનાઈ છે ને!
પીતો ગયો ને સાથે બાંધી લાવેલા
ચીકન ટીક્કા ઉડાવતો ગયો.
શી મોજ!
શી મોજ!
પછી એક ચિઠ્ઠીમાં
એણે ઝડપભેર કંઇક લખ્યું
અને બુચ મારી ને
બાટલી વહાવી દીધી.
***
હેઠવાસમાં
હજી પણ અદ્રશ્યપણે
રેંટીયો કાંતી રહેલા
ગાંધીને હાથ જયારે એ બાટલી ચડી
ત્યારે એ પોતાની સિદ્ધિ પર વારી ગયો
અને મલકી ઉઠ્યો.
ચિઠ્ઠીમાં લખ્યું હતું:
"મારી સ્વતંત્રતા".
વાહ, ક્યા બાત હૈ! આજકાલ એમ પણ બધા ફાર્મ હાઉસ - જલસા હાઉસ સાબરમતીના ઉપરવાસમાં જ છે ને... જુવો ને કેટલી બધી સ્વતંત્રતા!
ReplyDeleteતમારી કવિતાથી પ્રેરાઈને થોડી લીટીઓ લખી નાખી.
ReplyDeleteવનવાસમાં
હજી પણ અદ્રશ્ય પણે
આશ્રમમાં બેઠેલા એક ખુણે
ગયા ગાંધી કંટાળી
નિકળ્યા જોવા સાબરમતી ન્યારી
કિનારે બેઠા બેઠા સુઝી કુમત
તરતી બાટલી ને પકડવા કરી રમત
ખુણે બેઠા સાંભળેલ બાટલીની વાત થી
રહેવાયું નહી તે ખોલી બાટલી હાથથી
મળી એક ચબરખી નાની અમથી
લખ્યું હતુ કે આ સ્વતંત્રતા મને ગમતી
જોઇ બાટલી માં પુરાયેલી આ સ્વતંત્રતા
બોલી ઉઠ્યા ગાંધી સારી હતી પરતંત્રતા