ઝૂંપડપટ્ટી, બિલ્ડર, અને સરકાર

ખાનગી જમીનોમાંથી ઝૂંપડપટ્ટી હટાવશે ગુજરાત સરકાર

 ઝૂંપડપટ્ટી પુનર્વસનમાં રાજ્ય અગ્રેસર છેઃ સીએમ

 શહેરોમાં ખાનગી જમીનો પરની ઝૂંપડપટ્ટી હટાવીને રિ-ડેવલપમેન્ટની સ્કીમ મુકાશે

 બિલ્ડરોના લાભાર્થે ઝૂંપડપટ્ટી- ચાલીઓને રીડેવલપ કરાશે

ઝૂંપડપટ્ટી દૂર કરી સરકાર એક કાંકરે બે પક્ષી મારશે,ચાલીઓને રીડેવલપ કરીને બિલ્ડરોને કરાવશે ફાયદો તો ઝુપડપટ્ટીના ગરીબોને મળશે આવાસ

***

(મને લાગ્યું કે તમે

મૂંઝાતા હશો

ઝૂંપડપટ્ટી

બિલ્ડર

અને

સરકારને

વળી શું

સંબંધ?

એટલા

પૂરતા

આ

મથાળા

મેં હરોળબંધ 

ગોઠવી

આપ્યા

તમને

બાકી

આ કાવ્યનો

એક પણ શબ્દ

મારો નથી કે નથી

એમાં રહેલી ભાષા અને જોડણીની ભૂલો મારી

મેં તો કરી છે સીધેસીધી ઉઠાંતરી

આજકાલના છાપાઓના

કદી ના વંચાતા

વચલા પાનાઓમાંથી.)